Omar fthy alsaid - التغريبة

طعم البعاد صبار . والغربة ليل بهتان . ياقلبي يا موجوع إياك تكون قلقان . لو طالت المسافات . أنا والأمال إخوات . وتالتنا كان اليل . ده ليا فيها النيل . وليها فيا الروح . مخترتش اني أروح . ما أنا جوع كان كفران . ملعون أبوك يا طموح . اخرك تشوفني كفيل . لكني مش قلقان . تزكارتي رايح جي

طعم البعاد صبار . والغربة ليل بهتان . ياقلبي يا موجوع إياك تكون قلقان . أنا مش في بلدي عويل . لكني مش بتشاف . زهرة سنيني عجاف . مع إني ليا عزيز . افتوني في رؤياي . لمو الأماني ازاي . حطوها علي الباسبور . أحلامي صبحت بور . ممنوع عليها الضي . لكني مش قلقان . تزكارتي رايح جي

البعد عنك خوف وأنا علي الرجوع ملهوف . لكن هعود إزاي ومكاني كله ضيوف . ياقلبي يا موجوع . يا أه حضنة دموع . حب البلد بيعيش . لما يموت الجوع . ياحضن بيسعني . إحتاجتله وباعني . ساعة ما مد إيديه شاور وودعني . لكني مش قلقان تزكارتي رايح جي